жылжымалы қор-лар

(Возимые (подвижные) запасы)

бөлімше жанындағы, ұрыс техникасындағы және сонымен қатар қозғалатын штаттық көліктегі тиісті мөлшерде, табельмен белгіленген материалдық құралдар қоры. Ж.қ-дың негізгі түрлері: оқ-дәрі, жанармай, майлағыш материалдар, азық-түлік, техникалық және басқа әр түрлі заттар. Бұл материалдық құралдар ұрыс бөлімшелері мен бөлімдерін дер кезінде әрі үздіксіз қамтамасыз етуге арналған. Ж.қ. жұмсалатын бөлікке және жұмсалмайтын қорға бөлінеді. Жұмсалатын бөлік ұрыс қимылдарын қамтамасыз ету мен сол бөлімше командирінің шешімімен, жабдықтау (жұмсау) мөлшеріне сәйкес ағымдағы қажеттіліктерді қанағаттандыру үшін қолданылады. Ал жұмсалмайтын қор аға бастықтың рұқсатымен өте қажет жағдайда жұмсалады.